Watu 10 wamefariki dunia na mwingine mmoja kujeruhiwa baada ya Lori la Polisi kugongana na gari dogo la mizigo (KIRIKUU), katika eneo la Datch Conner, Siha mkoani Kilimanjaro.
.
Mkuu wa Wilaya ya Siha Christopher Timbuka amethibitisha kutokea kwa ajali hiyo, huku akibainisha kuwa katika ajali hiyo waliofariki wanawake ni 6 na Wanaume 4, majeruhi wapo katika hospitali ya Siha na Maiti imehifadhiwa hospitali ya Kibon'oto, ambapo taratibu za kutambua waliofariki zinafanyika.
.
Timbuka amesema chanzo cha ajali hiyo ni kuyumba kwa Kirikuu, baada ya kupata shida kwenye gurudumu la kulia na kusababisha kugongana uso kwa uso na lori la Polisi.