Balozi wa Tanzania nchini India Anisa Mbega amesema Tanzania kwa mara kwanza imefanikiwa kupeleka kiasi kikubwa cha zao la Parachichi nchini India.Ambapo Kontena la Parachichi futi 40 ambalo ndani yake kuna'trays' za Parachichi 5,700.
Kontena la Maparachichi kutoka Tanzania limewasili nchini India katika Bandari ya Jawaharlal Nehru mjini Mumbai. Balozi Mbega amesema kila trays moja lina uzito wa kilo 4, ambapo huko nyuma waliwahi kupokea shehena ya kilo 200 ambayo ilikuja na ndege ya ATCL shehena hiyo ilikuwa na lengo la kutambulisha zao hilo katika soko la India.
Balozi Mbega ameeleza kuwa maparachichi hayo yameingizwa nchini India kupitia Kampuni ya IG Fruits ya nchini India kwa kushirikiana na wakulima pamoja na Kampuni ya Avoafrica yenye ofisi zake Makambako Mkoani Iringa itasaidia kufungua fursa nyingi za masoko kwa wakulima wa zao hilo nchini Tanzania.
