Makamu wa Rais Mteule wa Jamhuri ya Muungano wa Tanzania, Mhe. Dkt. Philip Isdor Mpango kesho tarehe 31 Machi, 2021 ataapishwa kuwa Makamu wa Rais wa Jamhuri ya Muungano wa Tanzania.
Hafla ya kuapishwa kwa Mhe. Dkt. Mpango itafanyika Ikulu, Chamwino Mkoani Dodoma kuanzia saa 9:00 alasiri.
Hafla hiyo itarushwa moja kwa moja na vyombo vya habari vya redio, televisheni na mitandao.
Mhe. Dkt. Mpango ataapishwa kushika wadhifa huo baada ya Rais wa Jamhuri ya Muungano wa Tanzania, Mhe. Samia Suluhu Hassan kuwasilisha mapendekezo ya jina la Dkt. Philip Isdor Mpango kuwa Makamu wa Rais katika Kikao Maalum cha Kamati Kuu ya Halmashauri Kuu ya Taifa ya Chama Cha Mapinduzi na baadaye jina hilo kuwasilishwa Bungeni na kupitishwa kwa kura 363 sawa na asilimia 100 ya kura zote zilizopigwa.
