Mamlaka ya usimamizi wa wanyamapori Tanzania (TAWA) imeanzisha mkakati wa kukabiliana na tatizo la muda mrefu la wanyamapori aina ya Tembo kuvamia kwenye makazi ya wananchi na kufanya uharibifu wa mazao shambani, kuua na kujeruhi watu katika maeneo mbalimbali nchini.
Kaimu kamishina wa uhifadhi mamlaka ya usimamizi wa wanyamapori Tanzania (TAWA) Bwana Mabula Misungwi, amesema TAWA imeweka mikakati madhubuti ya kulinda maeneo yote ya hifadhi na kuwashirikisha wananchi kuhusu mbinu za kujilinda dhidi ya Tembo.
Katika hatua nyingine kaimu Kamishna Mabula Misungwi amewaagiza wakuu wote wa vituo vya tawa kote nchini kuhakikisha wanadhibiti vitendo vya rushwa kwa baadhi ya askari kabla hatua kali hazijachukuliwa dhidi yao.
Kwa upande wao baadhi ya maafisa wa TAWA waliohudhuria kaka kiao hicho wamesema madhara ya wananchi kuvamiwa na kuuawa na Tembo yanajitokeza kutokana na uelewa mdogo wa wananchi kuhusu maisha ya wanyamapori.