Washindi wa droo kubwa katika mchezo wa bahati nasibu wa Mchezo Supa, unaochezeshwa Radio One, wamekabidhiwa Runinga, baada ya kujishindia fedha taslimu kwenye droo kubwa ya mchezo supa, kwenye studio za ITV Mikocheni Dar es Salaam.
Richard Kavura (78) mkazi wa Mbezi Beach alishinda milioni 2 na laki 5 na Runinga, ambapo Brayson Julius (24), mkazi wa Kimara Stop Over, alishinda shilingi laki 5 na Runinga, huku wakionesha furaha yao walipokabidhiwa zawadi zao ,ambapo wamewasihi wasikilizaji wa Radio One, kushiriki kwenye bahati nasibu ya Mchezo Supa ,kwani ni ya kweli na inayobadilisha maisha.
Baada ya kukabidhiwa zawadi zao za Runinga wamesema sasa, wanakwenda kubadili muonekano wa sebule zao, ikiwa ni sehemu ya kumbukumbu ya kucheza mchezo Supa na kuwa sehemu ya washindi wa mchezo huo.