Dawa za kulevya zakamatwa Arusha zikisafirishwa kwenye madumu ya maji

Jeshi la polisi mkoani Arusha limekamata dawa za kulevya aina ya Mirungi zikivushwa kutoka Kenya kuingia Tanzania kwa kutumia madumu ya maji yenye ujazo wa lita 20 ikiwa ni mbinu mpya inayotumima sasa kusafirisha madawa hayo

Kamanda wa polisi wa mkoa wa Arusha Bw.Jonathan Shana amesema shehena hiyo imekamatwa katika eneo la Sakina wakisafirisha dawa  hizo kwa kutumia pikipiki na  watuhumiwa wawili wamekamatwa 

Kamanda Jonathan Shana amewataja watuhumiwa hao kuwa ni Bw.Philipo Mungasi Lairumbe na Bw.Ngaruma Nairishoo wote wakazi wa Kijiji cha Lengijave,Wilayani Arumeru,ambao  walipohojiwa walisema Mirungi hiyo sio mali yao na kwamba wamekodishwa kuisafirisha hadi jijini Arusha kwa malipo ya shilingi 80,000 kila mmoja.