Rais wa Zanzibar Mhe. Dkt. Hussein Ali Mwinyi na Ujumbe wake, wamewasili Mkoani Mwanza wakielekea Jamhuri ya Kidemokrasia ya Congo (DRC), katika Sherehe za kuapishwa kwa Rais Mteule wa nchi hiyo, Mhe.Felix Antoine Tshsekedi.
Rais Dkt.Mwinyi ameongoza ujumbe wa Tanzania, akiwemo Rais Mstaafu wa awamu ya nne wa Tanzania Dkt.Jakaya Mrisho Kikwete na Naibu Waziri wa Mambo ya Mambo Nje Mhe.Stephen Byabato ,wakiwa njiani kuelekea Congo wamepita uwanja ndege wa Mwanza na kulakiwa na Mkuu wa Mkoa wa Mwanza Mhe.CPA Amos Makalla na viongozi wa Chama na Serikali.
Rais Dkt. Mwinyi anamwakilisha Rais wa Jamhuri ya Muungano wa Tanzania Mhe. Dkt. Samia Suluhu Hassan, katika sherehe hizo zinazotarajiwa kufanyika leo tarehe 20 Januari 2024 Jijini Kinshasa ,kufuatia ushindi alioupata kwenye Uchaguzi Mkuu uliofanyika Disemba 20, 2023.